وصلنا الكويت .
اسما قالتلي انها بستقبلني بالمطار،
"حمدلله على السلامة!!"
لميتها: "الله يسلمك وحشتيني!!"
"انتي اكثر والله، شلونج"
"الحمدلله كويسة"
و بدر كان واقف وراي يكلم.
وانا الم اسما قلتلها باذنها: "شوفيه هو اللي وراي"
اسما: "ابو دشداشه؟"
"ايه"
اسما: "وييه شهالزييين"
ضحكت.
خلص بدر مكالمته،
"بدر هي اسما صديقتي، اسما هذا بدر"
اسما: "هلا والله تشرفنا استاذ بدر، مضاوي حكت لي عنك وايد"
بدر: "الله يسلمك، والله وش قالت؟" ابتسم.
اسما: "تمدح فيك"
ضحكت: "كذابة لاتصدقها"
اسما: "بس صج مشكور انك يبتها، يعني لولاك ماكان جت"
"شدعوه قلتلك ابجيك قريب"
بدر: "اه مضاوي انتي اذا تبين ترجعين معها وانا اجيب الشناط اوديهم الاوتيل"
ناظرت اسما: "مدري"
اسما: "ايه جان زين والله"
"اذا مو تعب عليك يعني"
بدر: "لا مايخالف انتوا روحوا استانسو"
ابتسمت.
اسما: "وانا اييبها بالليل الفندق، بس ماقلتلي اي فندق؟"
بدر: " ** "
اسما: "خلاص اوكي زين"
مشينا شوي،
بدر: "مضاوي"
التفت: "هلا"
بدر: "نسيت اعطيك الجوال، خذي، رقم كويتي و مسجل رقمي بعد فيه لو بغيتي شي و لو بغيتي تحاكين خواتك"
"شكراً، مدري وش كنت بسوي بدونك"
ابتسم: "العفو، يلا لاتنسين بالليل اذا جيتي حاكيني اقولك رقم الغرفة و اعطيك المفتاح"
"ان شاءلله حاضر"
.
طلعت مع اسما .
بالسيارة.
اسما: "واي واي موب طبيعي هالبدر!"
"شفتي؟ تلوميني؟"
اسما: "بس انتَي بعد شوي شوي عليه"
"ليه وش سويت"
اسما: "مسبهه، لا يبين انج ميته عليه"
ضحكت: "كذابة عاد مسكت نفسي حسيتني عاقلة اليوم"
اسما: "ايه لا بسم الله عليج وايد"
"طيب طيب عن الطنازة انا ميته جوع وديني مكان نتغدا فيه"
رحنا تغدينا انا و اسما .
اسما: "مضاوي فيه سالفة صايره وماقتلج اياها.."
"سالفة وشو"
اسما: "وحاسة بالذنب اني ما قلتها"
"وشو احكي"
اسما: "يوم رديت هني.. تيمعنا انا و بنات عمتي .."
"ايه؟"
اسما: "بقولج السالفة من اولها .. اخواني الكبار كلهم متزوجين صح؟ واخر واحد اكبر منّي قريب تزوج .. ف عمتي كانت تكلم ابوي و قالت له انه اسما لولدي .. قالت لي امي انها قالت جذيه .. انا على بالي بس قالتها تتغشمر.. بس طلع صج"
"طيب؟"
اسما: "ولدها اللي ماذكر شكله .. يدرس بكندا اكبر مني بأربع سنين و اخر مره شفته كانت قبل اعرف خالد"
"وين المشكلة بالموضوع؟"
اسما: "المشكلة انه يوم قلتلج تيمعت مع بنات عمتي.. قالولي انه اهوا اللي قايل لأمه انه يبيني .."
"طيب كيوت؟"
اسما: "لا موب كيوت! متى اخر مره شافني! كنت ياهل!"
"طيب عادي مافيها شي"
اسما: "بس انا اعتبره مثل اخوي.. ماحبه ولا بعمري فكرت اني ممكن اتزوجه"
"هو يحبك يمكن"
اسما: "ايه قالت لي بنت عمتي .."
"بنت عمتك اللي هي اخته؟"
اسما: "لا بنت عمتي الثانية.. خواته ماقالو شي .."
"طيب دامه يحبك خذيه، اسما هذا معناته يحبك من وانتي صغيرة، حب طفولة يعني"
اسما: "مابي "
"اسما .. من تبين انتي بالضبط؟"
اسما: "...."
"خالد و تركتيه، هذا و ماتبينه وش تبين؟"
اسما: "خالد ماتركته بكيفي"
"تركتيه علشان اهلك، علشان اسمه ما يناسب اهلك"
اسما: "كنت احبه و كنت اتمناه زوج لي.. بنفس الوقت مابي اعصي اهلي .. مابي اخذ واحد هم مايبونه .."
"خلاص يابنت الحلال اللي صار صار .. الله ماياخذ منك شي الا يعوضك باللي احسن منه .. و ربي ابعدك عن خالد و عوضك بولد عمتك هذا "
اسما: "لا لا مابي ولد عمتي"
"من تبين اجل"
اسما: "مابي احد .. ابي أتم جذيه مابي اتزوج"
دق جوالي ، اللي عطاني اياه بدر .
"بسم الله روعني!"
اسما: "منو"
"اكيد بدر"
رديت .
-الو
-مضاوي رقم الغرفة ٧٧٧ الدور السابع
-طيب شكراً ..
-اذا وصلتي قوليلهم رقم الغرفة و قوليلهم اسمي انا عطيتهم خبر انك جاية
- ليش انت مارح تكون موجود؟
-لا عندي شغل
- اوه .. طيب اوكي ..
-يلا مع السلامة .
و سكر .
حتى ما انتظرني ارد .
اسما: "شيقول؟"
"عطاني رقم الغرفة، مادري شفيه مشغول"
اسما: "اهوا بشنو يشتغل قلتيلي؟"
"المفروض انه تجارة و عقارات .. مدري اشياء ما افهم لها، "
اسما: "المفروض؟ شنو يعني المفروض؟"
"تدرين .. بدر مو مدير الشركة الصدقي"
اسما: "عيل منو مديرها؟"
"صديقه، "
اسما: "وليش تقولين بدر المدير"
"هو المدير قدام الناس .. و صديقه هو المدير الصدقي اللي يدير الشغل"
اسما: "ليش يسوون جذيه؟"
"مادري "
اسما: "غريب .."
"مره .. احس فيه سالفة مو مضبوطة .."
ضحكت اسما: "مثل شنو يعني"
"مدري .. الزبدة ترا ماشبعت علشان نروح نحلّي بمكان ثاني. ابي اروح كل المطاعم و القهاوي الزينه هنا"
اسما: "لو انج بس قاعدة جم يوم بعد"
"وش اسوي زين مني جيت هاليومين"
.
.
بالليل .
قلت لأسما تنام عندي،
رحنا الفندق.
"لو سمحت غرفة ٧٧٧، باسم بدر ال* "
-اسم حضرتك؟
"مضاوي ال* "
ناظر اسما- وحضرتك؟
اسما: "انا؟"
"لا هي صديقتي، "
- مافيني عطيكي المفتاح مدام سوري
"ليش، الاستاذ بدر مو محاكيك ؟"
-امبلا بس قلي انتي لحالك ما قال في حدا جايي معك
"صديقتي اقولك بدر يعرفها"
-مافيني مدام بعتزر
"انا ادق عليه الحين "
اتصلت على بدر مارد .
ناظرني الرجال- فيكي تنتظري على اليمين مدام،
رحنا جلسنا بالكنب .
اتصلت كم مره بعد ما رد .
اسما: "مايخالف انا اروح مابي اسوي مشاكل"
"اقعدي والله ماتروحين! اصبري بيدخلنا اثنينا والله بس بدر موب قاعد يرد، لو رد بيقول ادخلو"
اسما: "مضاوي والله مابي اضايقكم"
"يابنت الحلال اصبري"
اتصلت على بدر كم مره وما رد .
اخر مره اتصلت .
-نعم شتبين!
ارتعت .
-بدر
-نعم مضاوي خير وش عندك؟
-انت مو بالفندق؟
-لا وش تبين
-انا وصلت و اسما بتنام عندي بس عيا الرجال
-خلاص انا اكلمه انتي سكري الحين
-طيب .. مع السلامة
سكر.
استغربت ليه يحكي كذا
غريب
ناظرتني اسما: "ها شنو قال؟"
"يقول هو بيحاكيه"
اسما: "ايه اشوه"
انتظرنا شوي و جانا الرجال عطانا مفتاح الغرفة،
-"تفضلي مدام هلأ بيحملولك غراضك"
"لا شكرا هي وحدة انا اوديها"
و سحبت شنطتي وراي و رحنا،
الدور السابع.
اسما: "جان خليتيهم اهما ييبون لك الجنطة شحقه متعبة روحج"
"لا انا تبت خلاص ماعد اخلي احد يمسك شنطتي"
اسما: "تبتي من شنو"
"انا ماقلتلك على اللي صارلي بالمطار؟"
اسما: "اي مطار؟ لا ماقلتي"
"يووه خنروح الغرفة الحين و نبدل و اقولك كل السالفة"
.
"وبس والله هذا كل اللي صار"
اسما: "شلون يحطونه والجنطة عندج طول الرحلة"
"مادري بس والله كانت فوقي وماشفت احد يقربها"
اسما: "و بدر شلون طلع منها؟"
"مدري طلع ما سألته"
اسما: "اكيد عنده واسطة، السالفة مو سهلة"
"ايه اكيد لانه هو اصلاً كان واثق و هو يقول خليها عليّ"
اسما: "قلتيلي شسمه؟"
"بدر ال * "
اسما: "امم .."
تنهدت: "جعت"
اسما: "تونا ماكلين هاو"
"جعت وش اسوي عاد، ابي نطلب ديلڤري مالي خلق البس"
اسما: "انزين شتبين شنو خاطرج تاكلين"
"بيتزا؟"
اسما: "خلاص الحين اطلبلج"
بعد ساعة،
انطق الباب .
مضاوي كانت تتحم .
مضاوي: "اسما شوفي اكيد البيتزا جت"
"يلا صارلج ساعة بالحمام"
مضاوي: "خلاص هذاي خلصت بس افتحي له تكفين"
فتحت الباب.
ماكان حق البيتزا .
بدر .
بدر: "هلا اسما، اه مضاوي موجودة؟"
"ايه موجودة بالحمام .. الحين اقولها"
بدر: "لا مايخالف انا ادق عليها"
"لا هي اصلا خالصة، مضاااوي مضاوي الاستاذ بدر"
طلعت مضاوي و المنشفة على راسها،
وثيابها كلها ماي.
مضاوي: "هلا استاذ؟"
بدر: "اسف اذا ازعجتكم بس كنت بقولك ان فيه إيڤينت بكره، اذا قدرتي نروح له سوا"
مضاوي: "إيڤنت وشلون يعني عن وشو"
بدر: "تجار و رجال اعمال و هالسوالف"
مضاوي: "تحس انه له داعي أجي؟ انه مدري احس "
"ايه مضاوي لج داعي اكيد. يعني اكيد يخص الشغل اللي انتي تشتغلينه"
بدر: "كلام اسما صح .. يخص الشغل"
مضاوي: "ايه بس.. ماعندي لبس مناسب .."
"يت على هذي الحين؟ كبتي كله تحت امرج"
ناظرتني مضاوي و ناظرت بدر: "اذا كذا اوكي .."
ابتسم بدر: "خلاص بكره امرك الساعة ٧ المسا زين؟"
مضاوي: "ان شاءلله"
بدر: "يلا تصبحون على خير"
مضاوي: "وانت من أهله"
...
اليوم الثاني الصباح.
*عيادة الدكتورة منال للصحة النفسية*
-دكتورة فيه واحد ينتظرك بالمكتب
-ماقال اسمه ؟
- ....
-شفيك؟ ماقال اسمه؟
-هو نفسه اللي هذاك اليوم قلتي سكرو عليه ..
-متى جا!
-قبل ساعة يمكن ..
رحت دخلت مكتبي لقيته قاعد على الكرسي.
"سعد!"
سعد: "ياهلا والله دكتورة، ماعرف انك تتأخرين عن دوامك كذا"
"خير ليش جاي شتبي؟"
سعد: "ابد والله جاي اسلم عليك"
"شتبي سعد اخلص"
سعد: "جاي اكلمك بموضوع"
"وشو الموضوع"
طلع سعد صورة : "هذي"
ناظرت الصورة.،
"من وين جبتها! انت شلون تسمح لنفسك تفتح اغراضي و تشوف خصوصياتي! عطني الصورة"
سعد: "بعطيك اياها، بس تصدقين كان شكلك حلو هنا بالصورة، و شكل البنت اللي معك بعد حلو"
سكت.
سعد: "تشبه للطيفة مره البنت، الصورة بسنة ١٩٨٩ يعني قبل ٢٦ سنة، معقول لطيفة كانت عايشة بذاك الوقت؟"
سكت.
سعد: "اممم .. البنت بالصورة شكل عمرها سنة و شوي سنتين، يعني المفروض الحين عمرها ٢٨، لطيفة عمرها ٢٣ سنة .. معقول؟"
"سعد اترك الصورة و اطلع برا"
سعد: "شتبين توصلين له؟ شتبين بلطيفة؟ يعني الاهتمام الزايد هذا مو لله .. الاهتمام هذا كله علشانها تشبه لبنتك؟"
"مو شغلك"
سعد: "الا شغلي!! لطيفة تدري ان عندك بنت متوفية، بس تدري انها نسخة منها؟! تدري ان الدكتورة المحترمة اصلاً ميب صاحية و تعامل مريضة عندها على اساس انها بنتها المتوفية من ٢٥ سنة!! دكتورة بنتك توفت من زمان، وخري عن لطيفة و روحي انتي تعالجي احسن لك ولها.."
"انت ماتعرف شي عن بنتي لا تحكي عنها"
سعد: "بنتك توفت بنتك توفت بحادث سيارة مع طليقك!"
ناظرته: "وش دراك"
سعد: "نسيتي اني محامي .. نسيتي اني اقدر اعرف كل معلوماتك .. دكتورة، انا مانيب قايل للطيفة، بس وخري عنها وكافي اللي تسوينه فيها تبين تجننيها مثلك"
"انت اللي وخر عنها!! لطيفة جتني انا لجأت لي انا موب لك!! انت اللي تدخلت بالموضوع اطلع منه!!!"
سعد: "لطيفة امها اللي لجأت لك، و كلنا نعرف ان لطيفة ماتحتاج دكتورة، لطيفة اللي صارلها عادي بس يبيلها احد يفهمها و تتعود على الموضوع، انتي اللي مكبرة الموضوع و قاعدة تخلين البنت غصب تجيك و تقعد تتعالج كانها خبله"
"اطلع برا"
سعد: "وخري عنها اخر مره اقولك"
"اطلع برا قلتلك!!"
دفيته برا و سكرت الباب وراه .
...
..
.
-الكويت-
"اسما قومي خنطلع"
اسما: "الساعة جم"
"عشرة، قومي شوفي جوالي مادري شفيه ابي ادق على خواتي معيي"
اسما: "انزين خمس دقايق بس"
"اسما يلا عاد مو كل يوم عندك انا"
انطق الباب .
"قومي يمكن جو يبون يسوون الغرفة"
قمت فتحت الباب.
بدر.
ابتسمت.
بدر: "صباح الخير ياحلوة"
توووه تووه متسبح مبين من شعره،
ابتسمت: "صباح النور"
بدر: "جبتلكم فطور"
"شكراً ليش تعبت نفسك"
بدر: "شدعوه، بس عسى صاحبتك موجودة؟"
"ايه موجودة"
بدر: "يلا زين، انا بروح الحين تبين شي؟"
"تفضل"
بدر ضحك: "اتفضل وين؟"
"تفطر معنا"
وشو تفضل بعد انتي الثانية ....
ضحك: "لا شكراً عندي شغل، لاتنسين موعدنا اليوم ها؟"
"ان شاءالله"
ابتسم: "يلا اشوفك ان شاءلله مع السلامة"
و حط ايده على خدي ازي اللي يسوونها للاطفال.
اف كيوت.
راح وانا واقفة عند الباب لسا.
اسما: "ياعيني ياعيني شنو هذا شنو هالدلع من الصبح"
"امانه عليك مو كيوت؟ اسما بصيح والله ودي المه"
اسما ضحكت: "ايه والله انا بعد تحسينه نظيف"
ناظرتها: "خير وش اللي انا بعد"
ضحكت: "بعد؟ تغارين و اهوا مابعد ماصار شي؟"
مارديت عليها و دخلت.
اسما: "شلون تقولين كله نتهاوش؟ ماشفت ولا هوشة للحين"
"لانه ماقعدنا مع بعض اصلاً و لانه هو مشغول ماحسه فاضي يتهاوش"
اسما: "اممم ايه"
طلعنا و عقبه مرينا بيت اسما تاخذ ملابس و رجعنا الاوتيل .
حطتلي اسما ميكب
و لبست و كل شي .
اسما: "شكلج اينن! صج لو انا من بدر مو بس اقولج احبج الا اخطبج و املج عليج اليوم، الا وينه؟ كلميه شوفي شصار غريبة للحين مايا"
الساعة كانت ٨ و نص.
هو قال ٧ بيجي.
"اشوه زين انه ماجا حنا مابعد خلصنا"
اسما: "خلصنا خلاص بس بقالج الحمره، شتبين لون؟"
انطق الباب.
قمت.
اسما: "انا افتح نطرَي"
قامت اسما تفتح الباب.
اسما: "وينك بدر الله يهداك هذا وانت مواعد البنيه قبل ساعة و نص؟ ايه خالصة صارلها ساعتين المسكينة تنطر، كانت بتهون اصلاً بس انا قلتلها عيب، ايه ادخل كلمها شوف اذا موب زعلانة تروح معك"
كنت اضحك من اللي سمعت اسما تقوله.
جا بدر .
"هلا بدر"
بدر: "زعلانه عليّ؟ انا اسف والله طلعت لي شغلة فجأة، بس مايخالف للحين ماخلص الإيڤينت، يلا علشان خاطري"
كنت اناظره وانا ساكته،
ماعرف وش اقول .
ضحكت بوجهه.
بدر: "حتى بهذي بتضحكين؟"
اسما كانت واقفة وراه تسوي حركات بوجهها،
مافهمت وش كانت تبي تقولّي،
سكت بدر شوي..
بدر: "بعدين وش هالزين؟"
قالها بصوت واطي.
ناظرت اسما اللي كانت واقفة وراه وضحكت.
بدر همس لي: "لاتقولين لي ان صديقتك سمعت"
ضحكت.
اسما: "انا اسفة ماكان قصدي استاذ بدر.. انا بروح اييب لي اكل اخليكم على راحتكم"
بدر: "لا لا مايخالف حنا بنروح اصلاً، مو؟" وناظرني.
"ايه صح"
ابتسمت اسما: "يلا استانسوا و ديرو بالكم على روحكم"
طلعنا انا و بدر من الغرفة،
بالاصنصير كنت صددق مستحية احط عيني بعينه.
يوم وصلنا عند الباب ناظرني بدر.
بدر: "مضاوي ممكن اطلب منك طلب؟ بس ماتعصبين؟"
"دامك قلت كذا اكيد انه يعصب"
بدر: "لا هو مو مره يعصب"
"وشو"
مد لي ايده، : "عادي تمسكين ايدي؟"
ناظرت ايده: "ليش؟"
بدر: "قدامهم بس"
حطيت ايدي و سكت.
بدر: "شكراً"
سكت.
دخلنا،
كان صدق زحمة ..
-استاز بدر!! مرحبا! شو اخبارك!
بدر: "حمدلله انا بخير والله، انتي وشلونك وشلون صحتك"
-انا منيحه، شو اخبار الشغل؟ شو هالغية أديش صارلنا سنة ما شفناك؟
بدر: "قلتيها والله الشغل ماخذني من كل شي"
ايه بالضبط انا وضعية المزهرية.
ناظرتني الحرمة- شو تجوَزت؟!
بدر: "اا-ايه.."
ناظرت بدر: "ايه وشو"
بدر: "افهمك بعدين"
-ييي عن جد؟ الف مبروك فرحتلك كتير!
زوئك كتير حلو ع فكرة
ابتسم بدر .
و ضلينا على نفس الحالة.
بدر يسلم.
و انا مزهرية .
مزهرية و زوجته ايه .
يعني ماقال زوجتي علشان يبيني صدق اصير زوجته .
قالها قدامهم بس ..
"بدر تعبت صدق مافيني اقعد اسلم على كل الناس، بروح اقعد،"
بدر: "ما اسمع"
"اقولك تعبت بروح اقعد"
بدر: "ايش؟ ماسمع والله"
"خلاص ولا شي سلامتك!"
و رحت قعدت بكنبة فاضية.
جت وحدة قعدت بجمبي.
-انتي مرتو للاستاز بدر؟
ناظرتها- ايه
-كم صارلكون متجوزين؟
-وليش تسألين، مين انتي؟
ابتسمت- ماكنت مفكرة انو الاستاز بدر رح يتجوز بيوم من الايام
-ليش يعني وش فيه
-بس كان بدي ألك جوز حضرتك يا مدام كان على علائة معي
-كيف
-و قبلي كانو كتير.. كتير من ياللي هون كان على علائة معون
-انا وش دخلني ليش تقولين لي!
-لانو جوزك!
-لا موب زوجي!
و رحت لبدر.
كان قاعد يسولف مع واحد.
"بدر ابيك شوي"
بدر: "خير شفيك"
"ابيك شوي تعال"
بدر: "عن اذنك لحظة، خير مضاوي شفيك"
"انا برقى غرفتي"
بدر: "ليه خير وش صار؟"
"ماصار شي مابي اقعد بس كذا"
بدر: "طيب عشر دقايق بس و نطلع انا وياك"
"مانيب قاعدة دقيقة وحدة هنا"
و طلعت من القاعة،
طلع بدر وراي
بدر: "مضاوي لحظة اصبري طيب فهميني شفيك"
وقفني.
"ليش جايبني هنا انت!! بس جايبني شكل علشان يقولون زوجتك؟ ليش جايبني علشان اسمع ماضيك القذر!؟"
بدر: "انتي بس علميني من قالك هالكلام؟"
"ماعليك انت من قالي"
بدر: "الا عليّ انا ابعرف من اللي قايل لك!
من اللي كذب عليك!"
"كذب عليّ؟ والله؟ "
بدر: "من قالك يرحم امك مضاوي"
"ماعرف اسمها، شعرها احمر تقول انها كانت على علاقة معك، انا وافقت امسك ايدك بس مو معناته تقولهم اني زوجتك و اسمع كلام يحوم الكبد ماله داعي!"
بدر: "طيب اذكري الله.. اذكري الله يابنت الحلال"
"لا اله الا الله.."
بدر: "تكذب عليك والله العظيم .. انا لو عندي شي كان قلتلك .. انا ما افضى احك راسي تبيني افضى لهالسوالف؟ "
"ليش بتتبلى عليك الحرمة"
بدر: "مادري عنها .. الحين ندخل نفهم منها .."
"مابي ادخل"
بدر: "علشان خاطري؟"
"مابي ادخل بدر صدق" نزلت راسي و غطيت عيوني بايدي.
بدر: "أحبك"
...
..
.
كنت انا و سعد بالسيارة بنروح نتغدا ..
هو يسولف وانا كنت اشوف جوالي ..
قروب صديقاتي
سارة و نوف و كم وحدة ثانية ..
ارسلت نوف صورة ،
نوف:
" بنااااات
شوفووا!! 😂😂"
سارة ال * :
"حرااام وش صار فيه 😱"
نوف:
"تكسر تكرفس يستاهل 😂"
سارة ال *:
"حرام وش صار"
نوف:
"ما ادري واحد من اصدقائه حاطها انستقرام"
الصورة ماكانت تفتح عندي،
حاولت افتحها الى مافتحت .
و ليتها ما فتحت .
صورة تركي على سرير المستشفى .
و ايدينه و رجلينه مربّطة،
و حاط ايده على راسه ..
حسيت صدق بضيق بصدري .
كان احد يضغط عليه
سعد كان يسولف .
ماكنت معه ابد
صورة تركي تكسر الخاطر .
سعد: "ها؟"
"هاه وشو"
سعد: "شفيك صارلي ساعة اسألك"
"ماسمعت شقلت"
سعد: "اقول وين تبين اي مطعم"
"ابي اروح المستشفى"
سعد: "ليش خير شفيك"
"بزور وحدة"
سعد: "مين"
"وحدة صديقتي سعد"
سعد: "طيب حاضر بس اي مستشفى"
" ** "
سكت سعد ووداني للمستشفى.
سعد: "بنزل اوصلك للغرفة وانتظر هنا بالسيارة"
"لا مايحتاج انا اروح .."
سعد: "اوصلك علشان اتطمن بس"
نزل معاي.
رحنا للاستقبال .
سعد لازم يروح علشان اسألها ..
سعد: "لو سمحتي اختي تركي ال* بأي غرفة؟"
ناظرته مصدومه: "شدراك .."
ردت عليه الحرمة : "من هناك ثالث غرفة على اليمين"
سعد: "يعطيك العافية .."
ناظرني: "اكيد عنده اهله شلون بتدخلين؟ حاكيه شوفي اذا عنده احد"
"لا هو مايدري اني هنا .."
سعد: "ليش مو هو اللي قالك تعالي؟"
"لا .."
سعد: "من قالك اجل؟"
"وحدة من صديقاتي "
سعد: "وجاية على اي اساس؟"
"مدري ماعرفت وش اسوي يوم شفت الصورة ..
ودي اتطمن عليه بس مادري شلون يكسر الخاطر شكله"
تنهد سعد: "خلاص انا ادخل "
"تدخل وش تقول"
سعد: "هم رافعين قضية على العيال اللي طقوه .. و المحامي حقهم يشتغل معي بنفس المكتب اعرفه، بقوله اني جاي اسأله كم سؤال "
"ليش طقوه حسبي الله عليهم"
سعد: "ابدخل اشوف الولد و عقبه اجيك.."
انتظرت سعد لما طلع.
"ها وش فيه وشلونه"
سعد: "مافيه شي كلها يومين و بيناقز مثل الحصان"
"الحمدلله الله يسمع منك .. ماقال وش يوجعه؟"
ناظرني سعد: "لا ماقال" و مشا.
بالسيارة..
"سعد ليش طقوه العيال؟"
سعد: "مادري، ثلاث اخوان مسكوه و طقوه، "
سكت.
سعد: "زين يسوون فيه"
ناظرته: "حرام عليك تخيل يصير فيك كذا"
سعد: "لا موب حرام، علشان يعرف
كيف يحافظ على بنات الناس "
تنهدت.
سعد: "والله ليتني كنت معهم"
مارديت عليه .
سكتنا ..
بعد شوي .
سعد: "لطيفة انتي ليش قلتي لي صديقتك؟
ليش ماقلتي تركي"
"مادري"
سعد: "قد حكينا بموضوع تركي
و قلتي انك تحبينه .. للحين تحبينه؟"
"مادري"
سعد: "شلون ماتدرين؟"
مارديت ..
سعد: "لطيفة .. "
"ايه احبه! ارتحت كذا؟"
....
Iffffff a7bbbiik mrra 7llw bs 89eer:(��❤️❤️❤️❤️
ReplyDeleteMarrraaa 77loooooo !!!!!
ReplyDeletePlease post another chapter ❤️❤️❤️
thaaaaank you for posting !! love youuuuuuu ya say ma halo 89eer ya leet e6aoleena lao sama7ty o you post the next chapter as soon as possible please love youu !! mwaaahhh!!
ReplyDeleteIncredible !!!!❤️❤️❤️When is the next postttttttt????? Please post ASAP
ReplyDeleteيجننننننننننننننن كملللللييييييييي(((((:
ReplyDeleteKmliii tkfeeenn );
ReplyDeleteYgnnn mrraah
Badr cutee!!!
كيوت بدر!!! يارب مايطلع كلب ويوجع مضاوي حرام:( مرررره حلو التشابتر كيب قوينق بيوتيفول❤️❤️❤️❤️
ReplyDeleteكمملليييي:( متحمسسسه لتشابتر الجمعه بليز لا تتأخرين مو طبيعي كيف كيوتي بدر❤️
ReplyDeletethank you for this adorable chapter keep going its AMAZING !!!love it and love youuuu!!
ReplyDeleteIt's so amazinggg! !!! Amana la t6wlien nzliii mra mt7mseen❤❤❤❤
ReplyDelete7lwww mraaa y7ms wallah gretah 3 mrat w kl mra at7ms w abtsm k2ni awl mra agrah =))❤️ Please la t6wlen wallah magdr at7ml a9br atw83 bjls a3edah len tnzlen althany =)) obsessed? Yes i'm.
ReplyDeleteهالدكتوره ذي ودي أصكها كككففف يعلمها ان الله حق!!! اجل هذا سوى تسويه بلطيفه! هالمريضه يمه ودي افرمها
ReplyDeleteمن العصبيه نسيت اقول؛$ التشابتر جميل مره لا تطولين علينا بليز❤️
Delete