-عقب بريك الغدا-
كان بدر قاعد يشوف ورق وانا واقفه انتظره يوقعلي اياهم علشان اوديهم مكان ثاني.
ومسوي مدير عليّ بزيادة.
وانا واقفة دق جوالي.
ناظرني بدر: "ما قالت لك سمر الجوال سايلنت وقت الشغل"
"اسفه،"
طلعته من جيبي ابحطه سايلنت بس ناظرت الشاشة
اسما
"ممكن ارد؟ اتصال ضروري.. "
بدر: "ردي بس هنا، لاتطلعين"
رديت
-الوو وش مصحيك احسبك نايمة
- انام هالحزه؟
-الساعة كم عندكم
-نفس الي عندج
-كيف؟ احلفي!! انتي هنا!!
-بالكويت ايه!
-نصابه افففف الحمدلله على السلامة ليه ماقلتي لي!
-الله يسلمج، قلت اسويها مفاجأة و ازورج مره وحدة بس ابوي مريض ماقدر..
-عادي حبيبتي عاذرتك الله يقومه بالسلامه..
-اللي صورتيلي اياه الصبح شنو هذا؟
-سالفة طويلة اقولك اياها بعدين
-انزين مضاوي تعاليلي انتي.. بليز؟
-مدري ماتوقع ابوي يوافق.. انه وش يوديني ماعندي شي..
-انا اكلمه اقوله خل اييبج
-مدري بحاول.. انتي الى متى قاعدة؟
-اسبوع
-اف قليل مره، يعني مافيه امل تجين هنا ابد؟
-ما اتوقع..
-خلاص انا اشوف ابوي و احاكيك..
-ان شاءلله، يلا أحبج
-انا اكثر، باي.
سكرت.
"انا اسفه بس صديقتي اللي كانت تدرس معي بامريكا رجعت الكويت و توني احاكيها.."
بدر: "تفاصيل مضاوي تفاصيل واجد مالي شغل فيها"
"طيب بس اقول.."
بدر: " هذا خلصته الورق، تقدرين تودينه و تروحين بيتكم"
"اروح بيتنا؟ باقي ساعتين استاذ "
بدر: "انا عطيتك أذن. بعد بتردينه؟"
"لا بس انه ليه"
بدر: "بس؟ لازم سبب؟ مدير. كيفي"
ابتسمت: "طيب.. شكراً يا مدير"
بدر: "العفو"
طلعت من مكتبه وديت الورق.
رحت مكتبي رتبت فيه كم شي و سكرته و انا طالعة قلت امر مكتب بدر.
طقيت الباب و دخلت
"انا بروح تبي ش-..."
مالقيته.
"استاذ بدر؟"
دورته بالمكتب مالقيته، طقيت باب الحمام مالقيته.
طلعت اسأل سمر.
"سمر، الاستاذ بدر راح؟"
سمر: "ايه توه طالع"
"اوه.. انا بعد بروح تبين شي؟"
سمر: "سلامتك حبيبتي"
بالسيارة،
ارسلت لبدر مسج
"يعني تقدر تقول انك بتروح بدون ما تصرفني كذا لول"
قبل ارسل المسج.. مسحته.
" قبل اطلع مالقيتك بمكتبك.. استغربت ل"
لا لا خفيفة مره..
مسحته.
"وينك!؟ مالقيتك بالمكتب؟"
وش دخلني وش اللي وينك
مسحته.
خلاص مانيب راسله شي
كيفه يروح وين ما يبي.
وصلت بيتنا.
مشاعل و مها قاعدين بالصالة.
مها تناظر مسلسل و مشاعل ماسكة جوالها.
رفعت مشاعل راسها: "مضاوي"
"عيون مضاوي"
مشاعل: "وين كنتي"
"بالدوام؟"
مشاعل: "ويكند"
"دوام الشركة اللي تطوعت فيها، السبت دوام عندهم"
مشاعل: "اوه.. طيب تدرين ان ابوي مسافر؟"
"ايه قالي الصبح"
مها: "الصبح؟ يعني كان هنا الصبح؟"
"ايه؟ ليش تبون منه شي؟"
مشاعل: "لا مانبي بس نسأل.."
مها: "ما قالك شي قبل يروح؟"
"شي زي وشو؟"
مشاعل: "ماقال متى راجع؟"
"كم يوم.. زي العادة؟"
مها: "اففف"
"وشفيكم؟"
مشاعل: " اليوم 2 may مضاوي.."
"طيب؟"
مشاعل: "وش طيب؟ ما يذكرك بشي؟"
"امي؟"
مها: "عيد ميلاد احد مضاوي"
"صح!!!! ماي! انتم! راح عن بالي مره !"
و رحت لميتهم الاثنين.
"هابي بيرثداي يا روحي انتم، والله و كبرنا و صرنا... كم صرتوا؟ "
مها ضحكت: "١٧ مضاوي ماتعرفين بعد كم صرنا؟"
"والله الدراسة لاحسة مخي! افف كبرتوا كيوت"
مشاعل: "واو اخيراً؟ دخلت مخك معلومة اننا كبرنا؟"
ضحكت: "ابوي يعني كان واعدكم بشي؟"
مها: "موب واعدنا.. بس تعودنا كل سنة.. ابوي و امي.."
مشاعل: "مها، لا تبدين بليز.."
مها: "الا ببدا.. مضاوي تذكرين السنة اللي راحت؟ يوم حاكيناك سكايب بالمستشفى؟ كان عندك كلاس، و حنا نصور و نرسلك صورنا مع امي بالمستشفى؟ كانت هذيك الايام يوم قالولها لازم تنامين اجباري.. ابوي ما بعمره نسى.. ما بعمره صار ٢ ماي الساعة ١٢ و ما جا قال شي.. هالمره شوفي الى هالحين ما جا.."
"اذكر اذكر.. ما يخالف يمكن مشغول.. ترا والله تعب الشغل انا يوم و حسيت بالتعب وشلون هو.. بعدين اصبرو مابعد خلص اليوم يمكن ابوي يسويلكم شي حلو!"
مشاعل: "وانتي ماودك تسوين؟ بما انه اول عيد ميلاد من اربع سنين تكونين معنا؟"
"الا طبعاً بس موب الحين، بس وعد مايخلص اليوم الا انا مسوية لكم طيب؟"
.
رقيت غرفتي انام شوي،
غسلت و بدلت و كل شي
انسدحت على السرير،
لقيت مسج من بدر
"حاكيني اذا وصلتي بيتكم، مشتاق لك"
كيوت.
حاكيته:
-وش هالرومانسيه اللي جايتك؟
-شرايك بس؟ بس صدق اشتقت اتهاوش معك
-والله؟ تتهاوش؟ وينك
-بالمكتب، من طلعتي وانا اشتغل يا عيني عليّ
-......
-الو
-.....
-معاي مضاوي؟ الوو
-معك معك
-وشفيك
-لا بس خواتي
-وشفيهم؟
-مافيهم شي..
-وشفيهم خواتك مضاوي.. قلتيلي ابوك مسافر، وشفيهم؟
-اليوم عيد ميلادهم.. وماسويت لهم شي.. قاعدة افكر وش اسويلهم.. الحين بنام و اذا قمت بروح اسوي لهم
-خلاص انا امر اذا طلعت من الشركة
-لا لا انا اذا قمت اروح
-انتي نامي وراك جامعة بكره و اليوم تعبتي واجد
-لا صدق بدر انا اسوي.. انت بعد تعبان.. للحين بالشركة؟
-ايه الحين قاعد ..
-....
-خلاص انتي شكلك نمتي .. يلا اخليك تنامين تصبحين على خير
-وانت من اهله..
سكرت الجوال اناظر الشاشة..
ليش يقول انا بالشركة؟
انه وش الفايدة؟
وش بسوي له مثلاً؟
وش بيصير اذا قالي طلعت؟
تضايقت انه يكذب..
مهما كان حتى ولو مديري..
حتى ولو مين كان..
لا تقولي وين رحت بس لا تكذب..
قولي طلعت ومالك شغل وين رحت ..
بس لا تكذب..
.
من التعب نمت ولا حسيت بشي حولي ..
~~~
مشاعل: "مضاوي قومي متى امداك تسوين كل شي من ورانا"
"سكري مشاعل اللمبة"
مشاعل: "قومي ابي احضنك"
"مشاعل صدق تعبانه سكري"
جت مها: "امانه صدق من مضاوي هذا؟"
مشاعل: "ايييه كيوت تخيلي، كلبة و تسوي انها ما تذكر عيد ميلادنا، قومي متى امداك تسوين الكيك و تشرين الهدايا"
"كيك؟" فتحت عيوني : "اي كيك؟"
مشاعل: "جايبة كيك و هدايا تحت"
"انا؟"
مها: "شفتي قلتلك موب هي"
مشاعل: "وشلون موب هي كم مضاوي تعرفين؟ بعدين كاتبه خواتي"
"انزلو انتو اغسل وجهي و اجيكم"
قمت غسلت و نزلت.
لقيت كيكة كبيره محطوطة بالصالة،
و حولها بالونات زرقا
مشاعل: "كيوووت الهدية، سكريلي اياه"
و عطتني ظهرها اسكرلها عقد.
"اشوف"
مها: "يازينك موب جايبتلنا نفس الشي بعد،"
مشاعل: "و جايبة اللي ابيها، كيوت شكرا مضاوي"
و حضنتني.
مها: "متى امداك تسوين كل هذا"
"من جابه؟ يعني اقصد من وصله هنا.. "
مشاعل: "مدري سوزي فتحت الباب،"
ابتسمت يوم شفتهم مبتسمين و مستانسين بالهدايا..
مافهمت وش سالفتها مافهمت شلون جت ..
عقب ساعة،
خواتي قالو بيطلعون مع صديقاتهم،
راحو وانا رقيت غرفتي،
شفت جوالي
رسالة من بدر:
"قمتي؟" قبل ٢٥ دقيقة.
-انت ورا اللي صار صح؟
-صح النوم، وش صار
-الكيك؟ الهدايا؟
-اوه ايه
-ليه؟ يعني شكراً بس ليه؟ قلتلك انا بسوي
-ايه مايخالف انتي و مديرك واحد
-بدر صدق، يعني ماكان له داعي تكلف على نفسك، انا كنت بروح و بجيب كل شي
-طيب خلاص اعتبريها هدية مني لهم
-بعدين صح وش هالهدايا؟
-وشفيها؟ مو حلوين؟ قلتله يعطيني شي يشترونه كثير بنات
-حلوين بس موب سعر شي تشريه لبنات ماتعرفهم؟
-خواتك هم خواتي
-لا موب خواتك، بدر بليز عطني رقم حسابك اعطيك حقهم لو بس الهدايا
-عطيني علشان اصكك ذاك الكف اللي يطير ضروسك
-من جدي اتكلم ترا ..
-وانا بعد ليه تشوفيني امزح؟ صدق خلاص كبرتي السالفة تراك
-وش الي كبرت السالفة مابيك تشتري لخواتي شي بكذا مبلغ
-ايه مو ولد الجيران انا؟!
-اوه ذكرني وش تصير لهم؟ ابوهم وانا مادري؟
-انتي وش عليك الحين؟ تخيليني جيت و حطيتها عند باب بيتكم ولا تعرفيني ولاتعرفين مين انا زين كذا؟
-سخيف. ماينقالك شي مره ثانية
-انتي متى يور بيرثداي؟
-مانيب قايلة
-لا عاد انتي الكبيرة لازم شي محترم
-مانيب قايلة
-يلا عاد صدق؟
-انا بروح اتحمم عندي جامعة بكره تبي شي؟
-مضاوي؟
- ؟
-بعد؟ استفهام؟
- وشو؟
-زعلتي؟
-ليه ازعل؟ بس انه مابيك تكلف على نفسك
-طيب خلاص منيب عايدها
-عطني رقم حسابك
-تاكلين تبن.
-بدررررر
-وشوووو
-بليز؟
-لا
-لو سمحت؟
-ولو ما سمحت؟ .. اه مضاوي عندي اتصال برد و ارجع احاكيك هنا
-طيب..
Ssshhhhhkkkrrrrraa mraa a alposted)):
ReplyDeleteoh my god marra y7msssss:'((
ReplyDelete